Bakının bəzi ərazilərində su yoxdur

Bakının Nəsimi rayonunda içməli suyun verilişi dayandırılıb. 

Bununla bağlı Oxu.Az-a rayonun Cavadxan küçəsi 29 ünvanında yaşayan sakinlər məlumat verib. 

Onlar bildiriblər ki, bir neçə saatdır su yoxdur.

Məsələ ilə bağlı “Azərsu” ASC-dən Oxu.Az-a verilən məlumata görə, ərazidə qəza baş verib:

“Hüseynbala Əliyev küçəsində su xəttində sızma qeydə alınıb. Bu səbəbdən ərazidə təmir işləri gedir. Təmir yekunlaşdıqdan sonra bir neçə saat ərzində içməli suyun verilişi bərpa ediləcək”.

Könül Cəfərli