Ən son xəbərləri bizim "X" səhifəmizdə izləyin

Baş Dövlət Yol Polisi İdarəsi sürücülərə XƏBƏRDARLIQ EDİB
"Bu gün günün birinci yarısı havanın temperaturunun nisbətən yüksəlməsi səbəbindən yollarda qar-buz örtüyünün bir qədər əriməsi müşayiət olundu. Lakin, axşama doğru temperaturun mənfiyə doğru dəyişməsi ilə ərimiş su kütləsinin yenidən donması və yolların buzlaşması gözlənilir".
Oxu.Az xəbər verir ki, bu barədə Baş Dövlət Yol Polisi İdarəsinin (BDYPİ) buzlaşmış yollarda yarana biləcək fəsadlarla bağlı xəbərdarlığında qeyd olunub.
Bildirilib ki, BDYPİ şaxtalı havada xüsusilə külək tutan açıq ərazilərdə, enişli-yoxuşlu yollarda, körpülərdə sürüşmə ehtimalının dəfələrlə artacağını nəzərə alaraq, sürücülərdən səfərlərini mümkün qədər günün işıqlı vaxtına planlaşdırmağı, zəruri ehtiyat tədbirləri görməyi, qış mövsümünə uyğun təchiz edilməmiş nəqliyyat vasitələri ilə yola çıxmamağı, təcrübəsiz sürücülərdən sükan arxasına əyləşməməyi xahiş edir.
"Qarlı, buzlu yollarda sürüşmə ehtimalını nəzərə alaraq, piyadalara da ehtiyatlı olmaq, yolun hərəkət hissəsinə çıxmamaq, təhlükəsizlik qaydalarına ciddi əməl etmək tövsiyə olunur", - deyə xəbərdarlıqda qeyd olunub.
"Qarlı hava şəraiti" teqi üzrə xəbərlər
- Yağıntılı hava davam edir, bəzi rayonlarda qar örtüyünün hündürlüyü 13 sm-ə çatıb - FAKTİKİ HAVA
- Qarlı havalarda baş verən sığorta hadisələri - STATİSTİKA
- Qarlı havada xəsarət alanların sayı AÇIQLANDI
- Zaqatalada qarın hündürlüyü bir metri keçib - FAKTİKİ HAVA
- "Asfalt dağılıb, ətrafı üfunət basıb" - Xırdalanda yeni layihəyə daxil edilən yol niyə düzəlmir?