Bayram günlərində avtomobillə uzaq səfərə çıxanlara DİN-dən MÜRACİƏT

Daxili İşlər Nazirliyi bayram günlərində şəhər və rayonlarımıza səfər edən bütün hərəkət iştirakçılarına müraciət edib.

Bu barədə Oxu.Az-a nazirlikdən məlumat verilib.

Müraciətdə deyilir:

"Əziz hərəkət iştirakçıları!

Novruz bayramı günlərində bölgələrimizə - şəhər və rayonlarımıza üz tutanların sayında artım müşahidə edilir, yollarda nəqliyyat sıxlığı yaranır. Yol-nəqliyyat hadisələrinin başvermə ehtimalını azaltmaq üçün gəlin bu günlərdə daha diqqətli olaq, hamılıqla qaydalara riayət edək.

İlk növbədə müəyyən edilmiş sürət həddini aşmayaq, eləcə də sürət həddini yol və hava şəraitinə görə seçək, ötmə qaydalarına uyğun davranaq, sərxoş vəziyyətdə sükan arxasına əyləşməyək və mümkünsə, günün erkən saatlarında hərəkətə üstünlük verək.

Səyahətlər zamanı avtomobildə olan hər kəsin təhlükəsizlik kəmərindən istifadə etdiyindən əmin olaq.

Sizi sevənlərə, evdə yolunuzu gözləyənlərə sağlam şəkildə qovuşmaq üçün mütləq yol hərəkəti qaydalarına riayət edin".

Bayram günlərində avtomobillə uzaq səfərə çıxanlara DİN-dən MÜRACİƏT