Aprelin 22-də Gəncədə məktəblilər arasında baş vermiş davada xəsarət alan şəxs Bakıda yerləşən tibb müəssisəsinə göndərilib.
Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, boyunun, döş qəfəsinin, budun açıq yarası diaqnozları təyin edilən Fərid Quliyevə Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsində zəruri tibbi xidmətlər göstərildikdən sonra aprelin 23-də Kliniki Tibbi Mərkəzə hospitalizasiya olunub:
"Kliniki Tibbi Mərkəzin Uşaq cərrahiyyəsi şöbəsinə yerləşdirilən pasiyentə zəruri tibbi xidmətlər göstərilib. Hazırda vəziyyəti stabildir".
Xatırladaq ki, sözügedən hadisə Əhməd Cavad adına 2 nömrəli tam orta məktəbin şagirdləri - Fərid Quliyev, Amin Hümbətov və Raul Hüseynov arasında baş verib.
Aygün Mirakif
