İmişli və Saatlının qaz təchizatında fasilə yaranacaq

Bu gün İmişli və Saatlı rayonlarının qaz təchizatında fasilə yaranacaq.

Oxu.Az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.

Bildirilib ki, Birliyin "Qaz İxrac" İdarəsinə məxsus "Azadkənd-İmişli" yüksək təzyiqli magistral qaz kəmərinin 80-ci kilometrliyində "Hacıqabul-Horadiz" avtomobil yolu ilə kəsişən hissədə əmələ gəlmiş qaz sızmasının ləğvi səbəbindən saat 14:00-dan etibarən işlər başa çatanadək qaz təchizatı dayandırılacaq.

Təmir işləri aparılan müddətdə İmişli rayonunun tam olaraq, Saatlı rayonunun isə Məzrəli kəndinin qaz təchizatının dayandırılması, işlər başa çatdıqdan sonra qaz təchizatının bərpası planlaşdırılır.