Məktəb xərcləri üçün pul yığmağı tapşıran direktorla bağlı araşdırma başladı - RƏSMİ + SƏS YAZISI

Bakı şəhərində yerləşən orta məktəblərdən birinin direktorunun səs yazısı yayılıb. 

Belə ki, 189-190 nömrəli tam orta məktəbin direktoru Ceyran Kuliyeva qeyd edir ki, məktəbdəki xərcləri təmin edə bilmir:

“Siz fikirləşmirsiniz ki, məktəbin xərclərini nə ilə ödəməliyik?”, - deyə o, valideynlərə təzyiq edib. 

Bakı Şəhəri üzrə Təhsil İdarəsi Oxu.Az-ın sorğusuna cavab olaraq bildirib ki, sözügedən məktəbin direktorunun səs yazısı ilə bağlı qurum tərəfindən müvafiq araşdırma aparılır:

“Araşdırmanın nəticələri barədə əlavə məlumat veriləcək.

Məktəbin, müəllimin fəaliyyətinə uyğun olmayan hallara qarşı qanunvericiliyin tələbləri çərçivəsində müvafiq tədbirlərin görülməsi hər zaman diqqət mərkəzində saxlanılır”.

Məktəb xərcləri üçün pul yığmağı tapşıran direktorla bağlı araşdırma başladı - RƏSMİ + SƏS YAZISI

İlhamə Əbülfət