Naxçıvan şəhərində 8 Noyabr - Zəfər Günü ilə əlaqədar konsert proqramı və atəşfəşanlıq olacaq.
"Report"un məlumatına görə, noyabrın 8-də saat 19:00-da Naxçıvan şəhərindəki Heydər Əliyev Muzeyinin qarşısında Zəfər Günü münasibətilə konsert proqramı və atəşfəşanlıq təşkil ediləcək.
Konsert proqramında vətənpərvərlik ruhunda kompozisiyalar, rəqs qruplarının çıxışları, populyar müğənnilərin ifasında mahnılar təqdim olunacaq.
Eyni zamanda, həmin gün muxtar respublikada bir sıra başqa tədbirlər də keçiriləcək.
Rəylər