Nazirlikdə yeni yaradılan yüksək vəzifəyə təyinat olub

Azərbaycan Prezidenti İlham Əliyevin sərəncamı ilə Rəşad Sahil oğlu İsmayılov ekologiya və təbii sərvətlər nazirinin birinci müavini təyin olunub.

Oxu.Az-ın xəbərinə görə, R.İsmayılov bu gün nazirliyin kollektivinə təqdim edilib.

O, bu təyinata qədər Dövlət Şəhərsalma və Arxitektura Komitəsində aparat rəhbəri vəzifəsində çalışıb.

Xatırladaq ki, ekologiya və təbii sərvətlər nazirinin birinci müavini postu Prezident İlham Əliyevin müvafiq fərmanı ilə avqustun 15-də yaradılıb.