Bakının Sabunçu rayonunun Pirşağı qəsəbəsində sakinlərin narazılığına səbəb olan antisanitar vəziyyət aradan qaldırılıb.
Oxu.Az-ın əldə etdiyi məlumata görə, polis əməkdaşlarının müşayiəti ilə aidiyyəti dövlət qurumlarının nümayəndələri əraziyə cəlb olunublar.
Ərazi nəzarətə götürülüb, məişət tullantıları təmizlənib və problem aradan qaldırılıb.
Bakının Sabunçu rayonu, Pirşağı qəsəbəsində antisanitar vəziyyət sakinlərin narazılığına səbəb olub.
Bu barədə Oxu.Az-ın qaynar xəttinə (+99455 224-12-12) qəsəbə sakini məlumat verib.
Onun sözlərinə görə, problem Saleh Hüseynzadə küçəsində yerləşən ərazidə müşahidə olunur.
Sakin iddia edir ki, zibillər uzun müddətdir ərazidən yığışdırılmır və bu səbəbdən ətrafda antisanitar vəziyyət yaranıb.
"Zibil qutuları olan hissə illərdir bu vəziyyətdədir. Bütün qəsəbə antisanitar vəziyyətdədir", - deyə o bildirib.
Qeyd edək ki, məsələ ilə bağlı aidiyyəti quruma sorğu ünvanlanıb.
