“Qazprom” şirkətində soydaşımıza yüksək vəzifə verildi

Rusiyanın “Qazprom” şirkətinin İdarə Heyəti sədrinin müavini vəzifəsinə azərbaycanlı Famil Sadıqov təyin edilib.

 TASS xəbər verir ki, o, iqtisadi-maliyyə fəaliyyətindən məsul olacaq.

Qeyd edək ki, F.Sadıqov 1968-ci ildə Azərbaycanda anadan olub. O, S.Orconikidze adına Dövlət İdarəçilik Akademiyasını və Ümumrusiya Vergi Akademiyasının məzunudur, iqtisad elmlər namizədidir. 1995-1999-cu illərdə RF Maliyyə Nazirliyində və Federal Dövlət Xidmətində müxtəlif vəzifələrdə işləyib. 1999-2004-cü illərdə RF vergilər və rüsumlar nazirinin müavini olub. Bu vəzifədə işlədiyi dövrdə ona II dərəcəli RF dövlət xidməti həqiqi dövlət müşaviri rütbəsi verilib. 2005-2009-cu illərdə Federal Xəzinədarlığın rəhbərinin müavini olub. 2009-cu ildən Rusiya “Qazprombank”nın İdarə Heyəti sədrinin müavini vəzifəsində çalışıb.