Qəbələdə güclü küləyin törətdiyi fəsadlar aradan qaldırıldı

Güclü külək nəticəsində Qəbələ şəhərində irigövdəli ağacın avtomobilin üzərinə aşıb və nəticədə avtomobil yolu bağlanıb.

Bu barədə Oxu.Az-a Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, bu barədə Fövqəladə Hallar Nazirliyinin "112" qaynar telefon xəttinə məlumat daxil olub.

Daxil olan məlumatla əlaqədar dərhal FHN-in Şimal-qərb Regional Mərkəzinin xilasediciləri çağırış ünvanına cəlb olunublar.

Xilasedicilər müvafiq vasitələrlə avtomobilin üzərinə aşmış ağacın hissələrə kəsərək yoldan götürülməsini, bununla da yolda sərbəst hərəkətin bərpasını təmin ediblər. Hadisə nəticəsində bir nəfər xəsarət alıb.

Bundan başqa, mərkəzin xilasediciləri tərəfindən Qəbələ rayonu, Zarağan kəndində güclü külək səbəbindən avtomobillərin üzərinə aşmış obyektin damı ərazidən götürülərək yaranmış təhlükə aradan qaldırılıb. Ərazidə müvafiq təhlükəsizlik tədbirləri görülərək yolda avtomobillərin sərbəst hərəkəti təmin edilib.

Qəbələdə güclü küləyin törətdiyi fəsadlar aradan qaldırıldı

15:04

Qəbələdə güclü külək marketin dam örtüyünü uçurub.

Oxu.Az "Unikal"a istinadən xəbər verir ki, hadisə Qəbələnin Zarağan kəndi ərazisində qeydə alınıb. Belə ki, güclü külək kənddə yerləşən marketin dam örtüyünü uçuraraq magistral yola atıb.

Xəsarət alan olmasa da bir neçə avtomobilə ziyan dəyib.

Bir müddət yolda avtomobillərin sıxlığı yaranıb.

Sonradan hərəkət bərpa olunub.

12:46

Qəbələdə güclü külək ağacı avtomobilin üzərinə aşırıb.

Oxu.Az xəbər verir ki, hadisə nəticəsində avtomobilin sürücüsü 32 yaşlı Mustafayev Seyfəl xəsarət alıb.

O, rayon mərkəzi xəstəxanasına çatdırılıb.

Qeyd edək ki, sürücü ilə yanaşı avtomobilə də ciddi ziyan dəyib.

Məhərrəm Əliyev