Qədim tağ evləri və kurqanlar - Qoşaqışlaq kəndindən FOTOREPORTAJ

Qoşaqışlaq, digər adı ilə Aşağıqışlaq kəndi salındığı ərazinin adını daşıyır. Tarixi çox qədimlərə gedib çıxan kəndin ərazisində eramızdan əvvəl II-III minilliyə aid kurqanlar və mağaralar yerləşir.

Məlumata görə, bu ərazi vaxtilə Bakı kəndlərinə məxsus qışlaq yerləri kimi istifadə olunub. Kənd əhalisinin əsas məşğuliyyəti heyvandarlıq olduğundan, həmin qışlaq yerləri bu gün də öz funksionallığını qoruyub saxlayır.

Qoşaqışlaq kəndində diqqətçəkən tikililərdən biri də qədim tağ evlərdir. Kənd sakinlərinin sözlərinə görə, bu evlər XV-XVI əsrlərə aiddir. Daş və gildən inşa olunan tağ evlər qışda isti, yayda isə sərin olması ilə seçilir.

Sakinlərin bildirdiyinə görə, bu evlər iki hissədən ibarət olub: bir hissəsi insanlar üçün yaşayış sahəsi kimi, digər hissəsi isə mal-qaranın saxlanması üçün nəzərdə tutulub. Evlərlə yanaşı, kənddə "dobla" adlandırılan samanlıqlar da mövcuddur. Maraqlıdır ki, tağ evlərlə samanlıqlar arasında xüsusi keçidlər olub.

PhotoStock.az-ın Qoşaqışlaq kəndində yerləşən qədim tağ evlərdən hazırladığı fotoreportajı təqdim edirik:

Daha çox foto: PhotoStock.az