"Qobu Park-2" yaşayış massivində içməli suyun verilişində yaranan problemlə bağlı AÇIQLAMA

"Ərazidə su xəttində qəza baş verdiyindən və qəzanın aradan qaldırılması, su anbarını doldurmaq üçün fevralın 10-da saat 9-dan saat 12-yə kimi fasilə yaranıb".

Bu barədə Oxu.Az-ın sorğusuna cavab olaraq  İri Şəhərlərin Birləşmiş Su Təchizatı Xidmətindən bildirilib.

"Problem aradan qaldırılandan sonra və hazırda da sakinlər daimi su ilə təmin olunurlar", - deyə qurumdan bildirilib.

Qeyd edək ki, sakinlər üç gündür sözügedən ərazidə içməli suyun fasilələrlə verildiyini bildirirlər.

Aləmdə Nəsib

10:04

Qaradağ rayonu, Lökbatan qəsəbəsi, "Qobu Park-2" yaşayış massivində içməli suyun verilişində fasilələr yaranıb.

Oxu.Az-a daxil olan məlumata görə, vəziyyət artıq üç gündür ki, davam edir.

Sakinlər qeyd edirlər ki, gün ərzində dörd-beş saat - təxminən saat 20:00-00:00 arasında içməli su verilir.

Səbəb kimi isə Səngəçal-Qaradağ magistral su xəttində qəzanın baş verdiyi göstərilir.

Məsələ ilə bağlı Azərbaycan Dövlət Su Ehtiyatları Agentliyinə (ADSEA) sorğu verilib.

Aytac Qasımova