Sumqayıtda yolun bir hissəsi çöküb.
Oxu.Az xəbər verir ki, hadisə şəhərin Üzeyir Hacıbəyov küçəsində qeydə alınıb.
Hadisə ilə əlaqədar artıq əraziyə Dövlət Su Ehtiyatları Agentliyinin əməkdaşları gediblər və problemin aradan qaldırılması istiqamətində işlərə başlanılıb.
Qeyd edək ki, bu yolun ayrı-ayrı hissələrində daha əvvəl də çökmələr baş verib. Bir neçə gün əvvəl küçənin başqa bir hissəsində yaranan çökmə aradan qaldırılıb. Bundan bir neçə ay öncə də eyni küçədə yolun digər hissəsi çökərək təmir olunmuşdu. İndi isə küçədə növbəti - üçüncü çökmə qeydə alınıb.
İqbal Ziya