Sakinlərin NƏZƏRİNƏ: Bəzi ərazilərdə qaz olmayacaq

Babək rayonunun bəzi ərazilərində qaz təchizatında müvəqqəti fasilə olacaq

Oxu.Az xəbər verir ki, bu barədə Naxçıvan Qaz İstismar Xidməti məlumat yayıb.

Bildirilib ki, 219 mm-lik borunun korroziyaya uğraması səbəbindən yeraltı qaz xətlərinin yerüstü xətlərlə əvəz olunması planlaşdırılır. Bu səbəbdən mayın 8-i saat 09:00-dan etibarən Babək rayonu, Babək şəhəri, Qoşadizə kəndi, "N" saylı hərbi hissə və Naxçıvan Hava Limanında qaz təchizatı müvəqqəti olaraq dayandırılacaq.

Təmir işləri başa çatdıqdan sonra qaz təchizatı bərpa ediləcək.

20:12

Bəzi ərazilərin qaz təchizatında müvəqqəti fasilə yaranacaq.

Oxu.Az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyindən məlumat verilib.

Bildirilib ki, Qaradağ rayonu, Sahil qəsəbəsini təbii qazla təmin edən qaz xəttinin təmiri, "Qaz İxrac" İdarəsinə məxsus "Qaradağ-Sumqayıt" yüksəktəzyiqli magistral qaz kəmərində aşkar olunmuş qaz sızmasının ləğvi, yeni çəkilmiş xəttin mövcud şəbəkəyə qoşulması və siyirtmənin təmir olunması məqsədi ilə mayın 8-də saat 09:00-dan etibarən qaz təchizatı dayandırılacaq.

Təmir işləri aparılan müddətdə Sahil qəsəbəsinin tam olaraq, Sumqayıt şəhərinin isə bir hissəsinin (Stansiya Sumqayıt ərazisində Qaçqın şəhərciyi və 5 sənaye müəssisəsi) qaz təchizatında müvəqqəti məhdudiyyət yaranacaq.