Seçicilər səs verəcəkləri məntəqələri “ASAN xidmət”də də öyrənə biləcəklər - VİDEO

Seçicilər ölkə üzrə bütün “ASAN xidmət” mərkəzlərində seçici statusunu yoxlaya biləcəklər.

Oxu.Az xəbər verir ki, bununla bağlı “ASAN xidmət” mərkəzlərindəki “ASAN növbə” terminallarında “Seçici statusunu yoxla” adlı xüsusi bölmə yaradılıb.

Belə ki, seçicilər həmin cihazlara yaxınlaşıb, tək şəxsiyyət vəsiqəsini oxutduraraq, harada səs verəcəkləri - qeydiyyatda olduqları seçki dairəsi və seçki məntəqəsi haqqında məlumatı, onların ünvanını öyrənə bilərlər.

Sistemdə adı çıxmayan seçicilər isə mobil nömrə daxil edərək, məlumatlarının sistemdə əks olunması üçün müraciət edə bilərlər.

Qeyd edək ki, hazırda ölkə üzrə 26 “ASAN xidmət” mərkəzi fəaliyyət göstərir.

Seçicilər səs verəcəkləri məntəqələri “ASAN xidmət”də də öyrənə biləcəklər - VİDEO