Sumqayıtda işıqforun işində yaranan nasazlıq aradan qaldırılıb.
Bu barədə Oxu.Az-a açıqlamasında Baş Dövlət Yol Polisi İdarəsinin İctimaiyyətlə əlaqə bölməsinin rəisi Elvin Hacıyev məlumat verib.
"Koroğlu və Mirzə Ələkbər Sabir küçələrinin kəsişməsində yerləşən işıqforda qısaqapanma nəticəsində texniki nasazlıq yaranmışdı. Problem aradan qaldırılıb. Hazırda işıqfor tam işlək vəziyyətdədir", - deyə E.Hacıyev bildirib.
Qeyd edək ki, işıqforun işində problem yaranmasının nəqliyyatın hərəkətini çətinləşdirdiyi ilə bağlı qaynat xəttimizə (+994 55 224-12-12) məlumat daxil olmuşdu.
Qaynar xətt:
(055) 224 12 12
