Milli Hematologiya və Transfuziologiya Mərkəzi qanın bədxassəli xəstəlikləri və talassemiya üzrə dövlət proqramları çərçivəsində dərman preparatları, reaktivlər və tibbi sərfiyyat mallarının satın alınması ilə bağlı açıq tender elan edib.
Oxu.Az-ın əldə etdiyi məlumata görə, tenderin ehtimal olunan qiyməti 36 milyon 907 min 519 manat təşkil edir.
Müvafiq sənədə əsasən, satınalma çərçivəsində qanın bədxassəli xəstəlikləri və talassemiya xəstələrinin müalicəsində istifadə olunan dərman preparatları, laborator reaktivlər və tibbi sərfiyyat mallarının alınması nəzərdə tutulur.
Satınalma siyahısına ümumilikdə 663 adda məhsul daxildir. Bunların arasında Deferoksamin, Deferipron, Deferasiroks, İdarubisin və digər dərman preparatları, eləcə də müxtəlif laborator reaktivlər və tibbi sərfiyyat vasitələri yer alır.
