"Bugünkü valehedici Azərbaycan dövləti inanılmaz inkişaf yolu keçib. 44 günlük Vətən müharibəsindəki zəfər də Azərbaycanın gücünün göstəricisidir".
Oxu.Az xəbər verir ki, bunu Türkiyə Prezidentinin baş müşaviri Seyit Sertçelik bu ölkənin Prezident Administrasiyasının Kommunukasiya İdarəsi tərəfindən Bakıda keçirilən "Türk dünyası dialoqları: ortaq gələcək, ortaq vizyon" adlı paneldə deyib.
O bildirib ki, Türk Dövlətləri Təşkilatının (TDT) bugünkü regional və beynəlxalq əhəmiyyəti hər keçən gün artmaqdadır:
"TDT-nin son illərdə çox ciddi aktor kimi formalaşması görünməkdədir. Bütün bunlar təşkilata üzv dövlətlərinin birliyinin və əzminin nəticəsidir. Beynəlxalq arenada mövcud təhdidlərin fonunda türk dövlətlərinin bir olması xüsusi ilə vacibdir".
