Ən son xəbərləri bizim "Facebook" səhifəmizdə izləyin
Üç qurumun əməkdaşları Ümid qəsəbəsinə cəlb olundular: Elektrik enerjisini planlı şəkildə kəsdilər
Gecə saatlarından davam edən güclü yağış daha bir ərazidə ciddi problem yaradıb.
Oxu.Az xəbər verir ki, Qaradağ rayonunun Ümid qəsəbəsində məcburi köçkünlər üçün tikilən binanın qarşısı sel sularına qərq olub.
"Hazırda çox acınacaqlı vəziyyət yaranıb. İşıqlarımız sönüb, hər yeri su basıb. Evdən çıxmaq da mümkün deyil. Nə edəcəyimizi bilmirik", - şikayətdə qeyd olunur.
"Azərişıq" ASC-dən Oxu.Az-ın sorğusuna cavab olaraq bildirildi ki, ərazidə hər hansı qəza halı baş verməyib.
"Sözügedən ərazidə, əsasən, zirzəmilərə su dolub. Fövqəladə Hallar Nazirliyinin (FHN) və Mənzil Kommunal Təsərrüfatı Birliyinin əməkdaşlarının təhlükəsiz işləmələri üçün elektrik enerjisinin verilməsində planlı fasilə yaradılıb", - deyə məlumatda bildirilir.
Fövqəladə Hallar Nazirliyinin (FHN) Mətbuat Xidmətindən isə Oxu.Az-ın sorğusuna cavab olaraq bildirildi ki, daxil olan müraciətlər növbəli şəkildə araşdırılır:
"İntensiv yağışla əlaqədar FHN-in "112" qaynar xəttinə daxil olan zənglər əsasında nazirliyin qüvvələri növbəli şəkildə ünvanlara cəlb edilir və həmçinin məlumatlar digər aidiyyəti dövlət qurumlarına ötürülür".
Əzizə İsmayılova
"Yağışın fəsadları" teqi üzrə xəbərlər
- Eldar Əzizov: "Qırılan ağacların yerinə yeniləri əkiləcək"
- BŞİH rəhbəri: "Yağış sularının axıdılması sistemi müasir iqlim çağırışlarına tam cavab verə bilmədi"
- BŞİH rəhbəri: "Leysan zamanı tunellərə nəqliyyat vasitələrinin girişinə məhdudiyyət qoyulsun"
- Eldar Əzizov: "Yağış sularının axıdılması sisteminin müasirləşdirilməsi işləri iki il davam edəcək"
- Bakı-Quba yolunda sel fəlakəti: Gömrükçülər qəzaya düşdülər
Ən çox oxunanlar
