Üzərinə darvaza aşan Ağsu sakini öldü

Ağsu rayonunda üzərinə darvaza aşan 52 yaşlı kişinin həkiməqədər ölüm faktı qeydə alınıb.

Bu barədə Oxu.Az-ın sorğusuna cavab olaraq Tibbi Ərazi Bölmələrinin İdarəetmə Birliyindən (TƏBİB) məlumat verilib.

"Respublika Təcili və Təxirəsalınmaz Tibbi Yardım Mərkəzinə dekabrın 17-də saat 13:30-də Ağsu rayonu, Badam bağı ərazisindən çağırış daxil olub. Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 1971-ci il təvəllüdlü şəxsin (kişi cinsli) həkiməqədər ölüm faktı qeydə alınıb" , - deyə məlumatda qeyd olunub.

17:40

Ağsu rayonunda küləkli hava şəraiti ölümə səbəb olub.

Oxu.Az xəbər verir ki, 1971-ci il təvəllüdlü rayon sakini Nazim Lazım oğlu Kərimovun üzərinə darvaza aşıb.

İlkin məlumata görə, o, hadisə yerində ölüb.

Darvazanın aşmasına küləkli hava şəraitinin səbəb olduğu ehtimal edilir.