Vətən müharibəsində itkin düşmüş, dünən şəhid xəbəri gələn hərbçimiz 19 yaşlı Ağayev Əmirağa Mahir oğlu bu gün doğulduğu Şabran rayon şəhidlər xiyabanında torpağa tapşırılıb.
Oxu.az-ın məlumatına görə Ə.Ağayev Füzuli istiqamətində gedən döyüşlərdə iştirak edib və qəhrəmancasına şəhid olub. Şəhidin dəfn mərasimində Şabran Rayon İcra Hakimiyyətinin rəhbərliyi, hüquq mühafizə orqanlarının əməkdaşları, hərbçilər və rayon ictimaiyyəti iştirak edib.
Qeyd edək ki, Şabran rayon Surra kənd sakini, 2002-ci il təvəllüdlü Ağayev Əmirağa Mahir oğlu iyul ayında hərbi xidmətə yollanıb. Müharibə başlayan gündən döyüşlərdə iştirak edib. Ailəsi ilə son danışığı oktyabr ayının 11-də olub.
Şəhidin dəfnindən fotoları təqdim edirik:
