Yaşayış binasında istilik təchizatı DAYANDIRILIB - Əhalinin külli miqdarda BORCU var

Borclu sakinlərə görə borcu olmayan abonenetlərin də istiliklə təhcizatı dayandırılıb.

Oxu.Az Xəzər TV-yə istinadən məlumat verir ki, paytaxtın Yasamal rayonu Əsəd Əhmədov 36 ünvanında yaşayan sakinlər bildiriblər ki, düz iki aydır mənzillərinə istilik verilmir. Əvvəlki illərdə fasilələrlə verilən istilik bu il yalnız mövsümün əvvəlində cəmi bir neçə gün olub.

Bina sakinlərinin sözlərinə görə, dəfələrlə aidiyyəti üzrə həm yazılı, həm də şifahi müraciət ediblər. Amma vəziyyət dəyişməyib.

Məsələ ilə bağlı "Azəristiliktəchizat" ASC-nin mətbuat katibi Elvin Basqallı bildirib ki, "Xəzər Xəbər"ə bildirib ki, bina sakinlərinin sözügedən quruma 11 min manat borcu var.

Qurumdan bildirilib ki, abonentlərin borcu ödənildiyi tədqirdə bina istiliklə təmin ediləcək.

Ətraflı süjetdə:

Yaşayış binasında istilik təchizatı DAYANDIRILIB - Əhalinin külli miqdarda BORCU var