AQTA-nın Bakı Regional bölməsinin rəisi öz xahişi ilə vəzifəsindən azad edilib

"Zaur Kərimov Qida Təhlükəsizlik Agentliyinin (AQTA) Bakı Regional bölməsinin rəisi vəzifəsindən öz xahişi ilə azad edilib".

Bu barədə Oxu.Az-a AQTA-nın İctimaiyyətlə əlaqələr sektorunun müdiri İlkin Kərimov məlumat verib.

O bildirib ki, sözügedən xəbər köhnə məlumat əsasında hazırlanıb:

"Belə ki, Zaur Kərimov dörd ay bundan əvvəl, yəni daha dəqiq desək, 16.12.2024-cü il tarixdə öz xahişi ilə tutduğu vəzifədən azad edilib və elə həmin tarixdən etibarən bu vəzifəni Elşad Mehman oğlu Cəbrayılov icra edir".

Aygün Mirakif

12:58

Qida Təhlükəsizlik Agentliyinin (AQTA) Bakı Regional bölməsinin rəisi vəzifəsindən istefa verib.

Oxu.Az Manset.az-a istinadla xəbər verir ki, qurumun Bakı Regional bölməsinin rəisi Zaur Kərimov ərizə yazaraq AQTA-nın sədri Qoşqar Təhməzliyə təqdim edib.

Daha sonra Q.Təhməzlinin müvafiq əmri ilə Zaur Kərimov tutduğu vəzifəsindən azad edilib.

Onun vəzifəsi AQTA-nın Hüquq şöbəsinin müdiri Elşad İsgəndərova həvalə edilib. Zaur Kərimovun istefasının səbəbi bəlli deyil.

Qeyd edək ki, AQTA-nın Bakı Regional bölməsi qurumun ən mühüm strukturlarından hesab edilir.