"Bilik təcrübədə tamamlanır" şüarı ilə bu il IX dəfə keçirilən Milli Marketinq Forumu 28 iyun tarixində "online" formatda uğurla yekunlaşıb.
"Facemark" və "Fil Agency" şirkətlərinin birgə təşkilatçılığı ilə həyata keçirilən forumun ilk günü 3 panel və 14 spikerin iştirakı ilə baş tutub.
Tədbir "Təhsildə Marketinq və PR" paneli ilə başlayıb. Panelin moderatoru "Libraff"ın PR meneceri Sərxan Rüstəmov, spikerləri isə "Baku Design Academy"nin təsisçisi Aysel Gülməmmədova, "Holberton School Azerbaijan" şirkətinin CEO-su Şəmsi Bayramzadə, UNEC müəllimi Qələndər Məmmədli, "Çapar" yayınlarının təsisçisi Yusif İlhamoğlu marketinqdə mövud olan tendensiyalar, əmək bazarında təhsilin rolundan, marketinqdəki risklərdən, müxtəlif şirkət rəhbərlərinin marketinq və PR-a nə dərəcədə üstünlük verməsi və ona müdaxiləsindən, süni intellektin marketinqin aləti kimi istifadə oluna bilib-bilməyəcəyindən, təhsilin bazarın tələblərinə uyğunlaşdırılması imkanlarından, mentorluğun önəmindən danışaraq, həmçinin iştirakçılardan gələn sualları cavablandırıblar.
"Sosial Media və Kreativ" paneli "Adver.az" şirkətinin kreativ direktoru Teymur Məmmədovun moderatorluğu ilə uğurla tamamlanıb. "Admedia" şirkətinin rəqəmsal departamentin rəhbəri Fidan Həsənzadə, "BHB Strategic & Creative Co." şirkətinin icraçı kreativ direktoru Ağarəcəb Cəfərov, "Kapital Bank"ın kreativ eksperti Eşqin İbrahimov, "Paşa Life" şirkətinin marketinq eksperti Mahal Abayeva müştəri və icraçı arasındakı əlaqələrdən, sosial mediadakı yaradıcılıqdan, sosial mediada istifadə olunan qısaltmaların dilin sturukturuna göstərdiyi təsirdən, brendi təmsil edən şəxslərin diqqət etməli olduğu məqamlardan və müştəri loyallığını azaldan nüanslar haqqında faydalı çıxışlar ediblər.
"Marketinq Kommunikasiyaları və Reklam" paneli "LİBRAFF" və "TEAS PRESS" Nəşriyyat Evinin Marketinq və PR Rəhbəri Afaq Hüseynəliyevanın moderatorluğu ilə keçirilib. "LİV Bona Dea Hospital"ın marketinq mütəxəssisi Günay İmanova, "AI İnara Group"un təsisçisi İnara İbrahim, "Endorphin" agentliyinin rəqəmsal qrup rəhbəri Müşfiq Şirəliyev, "LTC Lab" şirkətinin marketinq direktoru Mirnadir Seyidzadə, "Sab Azərbaycan" şirkətinin marketinq direktoru Özalə Əliyeva və "Başkent" Restoranlar Şəbəkəsinin marketinq direktoru Ramin Fərəcullayev
neyromarketinq və onun tətbiqindən, kommunikasiya zamanı yaranan çətinliklərin aradan qaldırılması yollardan danışaraq müzakirələr ediblər.
Qeyd edək ki, tədbir 29 və 30 iyun tarixlərində "Baku Marriott Hotel Boulevard"da offline formatda davam edəcək.
Milli Marketinq Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (https://millimarketinqforumu.az/) keçid edə və sosial media hesablarımızı izləyə bilərsiniz.
Facebook: https://www.facebook.com/MilliMarketinqForumu
İnstaqram: https://www.instagram.com/milli_marketinq_forumu/
Linkedln: https://www.linkedin.com/company/milli-marketinq-forumu/
Rəylər