Venesuelanın Koxedes ştatında göyərtəsində 1 tona yaxın kokain olan təyyarə qəzaya uğrayıb.
Oxu.Az-ın Lenta.ru-ya istinadən verdiyi məlumata görə, bu barədə ölkənin daxili işlər və ədliyyə naziri Nestor Reverol bildirib.
Onun sözlərinə görə, hadisə yerində 3 nəfərin meyiti və 1 tona yaxın kokain aşkarlanıb. Ehtimala görə , mafioz qruplaşmalar təyyarədən narkotik maddələrin daşınması üçün istifadə ediblər.
Hazırda polis qəzanın başvermə səbəbləri və təyyarənin sahibinin müəyyən edilməsi üçün müvafiq tədbirlər həyata keçirir.
