"Ermənistan hakimiyyəti Vaşinqtonun 2 mindən çox ermənini ABŞ-dən deportasiya etmək niyyətindən xəbərdardır".
Oxu.Az-ın "İnterfaks"a istinadən xəbərinə görə, bu sözləri Ermənistanın Diasporla İş üzrə Baş Müvəkkili Zare Sinanyan keçirdiyi mətbuat konfransında deyib.
"Onlar Ermənistan vətəndaşlarıdır və ABŞ-də qalmaq hüquqlarına malik deyillər. Söhbət 2 mindən çox Ermənistan vətəndaşını deportasiya etmək niyyətindən gedir", - deyə Sinanyan bildirib.
Onun sözlərinə görə, real rəqəm daha çox ola bilər və bu, sadəcə birinci mərhələdir. Artıq deportasiya olunanların sayı barədə isə məlumat yoxdur.
