ABŞ Prezidenti Donald Tramp ölkənin Luiziana ştatının Yeni Orlean limanı yaxınlığında tankerlə çay kruiz laynerinin toqquşması nəticəsində 32 nəfərin xəsarət aldığını bildirib.
Oxu.Az-ın xəbərinə görə, bu barədə Tramp "Truth Social" hesabında yazıb.
"İnanılmazdır, lakin bu böyük toqquşma nəticəsində heç kim həlak olmayıb. 32 nəfər xəstəxanadadır", - deyə o bildirib.
Tramp ABŞ Sahil Mühafizəsinə, eləcə də hüquq-mühafizə orqanlarının əməkdaşlarına və fövqəladə xidmətlərə Luiziana ştatında gəmilərin toqquşmasından sonra insanların xilas edilməsi üçün gördükləri işlərə görə təşəkkür edib.
Qeyd edək ki, daha əvvəl kruiz gəmisinin (laynerinin) göyərtəsində 150 nəfərin olduğunu bildirilmişdi.
Qaynar xətt:
(055) 224 12 12
