ABŞ-də prezidentlərin xarici ölkələrdən alınan təyyarələrlə uçması qadağan edilə bilər

ABŞ Senatındakı demokratların lideri Çak Şumer Prezident Donald Trampın Administrasiyasının Qətərdən hədiyyə kimi "Boeing-747-8" təyyarəsi almaq planı fonunda dövlət başçılarının digər ölkələrdən verilmiş təyyarələrdən istifadə etməsini qadağan edən qanun layihəsi irəli sürüb.

Oxu.Az-ın verdiyi məlumata görə, bu barədə senat özünün "X" hesabında bəyan edib.

Şumerin sözlərinə görə, qanun layihəsi Müdafiə Nazirliyinə prezidentin uçuşları üçün xarici ölkələrdən təyyarələrin alınması və ya modernləşdirilməsinə vəsait xərcləməyi də qadağan edəcək.

O, Qətərdən alınacaq təyyarənin modernləşdirilməsinin milyardlarla dollara başa gələcəyini və təhlükəsizlik risklərini tam aradan qaldırmayacağını bildirib.

CNN isə məlumat verib ki, məhz Tramp administrasiyası Qətərə müraciət edərək "Boeing-747" almaq istədiyini bildirib.