ABŞ-nin "Boeing" şirkəti ABŞ Hərbi Nazirliyindən "F-15" proqramı çərçivəsində "F-15 Eagle" qırıcı təyyarələrinin tədarükü və xidməti üzrə 131.23 milyard dollarlıq müqavilə əldə edib.
Oxu.Az-ın xarici KİV-ə istinadən xəbərinə görə, bu barədə ABŞ Müdafiə Nazirliyindən məlumat verilib.
Avqustun 24-də imzalanan müqavilə çərçivəsində podratçı yeni təyyarə istehsalı və sistem inteqrasiyası, eləcə də modernləşdirmə, əsaslı təmir və öz təmir bazalarının yaradılmasını təmin edəcək. Bu tədbirlər ABŞ Hərbi Hava Qüvvələri, Milli Qvardiya və beynəlxalq alıcılar üçün kritik vacib döyüş imkanlarının dəstəklənməsinə yönəlib.
Nazirlik qeyd edib ki, müqavilə Yaponiya, İsrail, Səudiyyə Ərəbistanı, Cənubi Koreya, Sinqapur, İndoneziya və Polşaya qırıcı təyyarələrin satışını nəzərdə tutur.
Sifarişin baza etibarlılıq müddəti 2031-ci ilin avqust ayında başa çatır və 2036-cı ilə qədər uzadılması variantı mövcuddur, eyni zamanda bütün öhdəliklərin yekun tamamlanması isə 2037-ci ilin avqust ayına planlaşdırılır. Müdafiə Nazirliyinin məlumatına görə, ilkin mərhələdə 2026-cı maliyyə ili büdcəsindən artıq 343 740 dollar elmi-tədqiqat və təcrübə-konstruktor işlərinə ayrılıb.
