ABŞ-də Trampın siyasətinə qarşı genişmiqyaslı etirazlar başlayıb

ABŞ-də kütləvi etirazlar başlayıb. Ölkə sakinləri Prezident Donald Trampın və Hökümət Səmərəliliyi Departamentinin (DOGE) rəhbəri İlon Maskın siyasətindən narazılıqlarını ifadə edirlər.

Oxu.Az xəbər verir ki, bu barədə "Reuters" məlumat verib.

Qeyd olunur ki, həftə sonunda 50 ştatda 1 200-ə yaxın nümayiş planlaşdırılıb. Etirazların təşkilatçıları onların müasir tarixdə ən irimiqyaslı nümayiş olacağını gözləyirlər.

"Minlərlə insan Vaşinqtonun mərkəzinə axışıb, burada tutqun səma altında və çiskinli havada etiraz aksiyaları başlayıb. Təşkilatçılar "Reuters" agentliyinə bildiriblər ki, mitinqə 20 mindən çox insanın qatılacağını gözləyirlər", - nəşr yazıb.

Etirazçılar hesab edirlər ki, ABŞ-nin yeni prezidentinin administrasiyası ölkənin və onun sakinlərinin ziyanına hərəkət edir. Kanada və Meksikada da etirazların keçiriləcəyi gözlənilir.