ABŞ Senatı daha əvvəl Nümayəndələr Palatası tərəfindən təsdiq edilən federal hökumətin maliyyələşdirilməsinin uzadılmasına dair qanun layihəsini qəbul edib.
Oxu.Az-ın TASS-a istinadən xəbərinə görə, sənədi konqresin yuxarı palatasının 85 üzvü dəstəkləyib, 11-i isə əleyhinə çıxıb.
Qanun layihəsi federal hökumətin maliyyələşdirməsinin gələn il martın 14-dək uzadılmasını, həmçinin təbii fəlakətlərin aradan qaldırılması üçün 100 milyard dollardan çox vəsaitin ayrılmasını nəzərdə tutur. İndi sənəd imzalanmaq üçün ABŞ Prezidenti Co Baydenə göndərilib. Ağ Evdən bildiriblər ki, o, qanun layihəsini dekabrın 21-də imzalamaq niyyətindədir.
Qeyd edək ki, Konqres federal hökumətin qismən bağlanmasının qarşısını almaq üçün dekabrın 20-də Vaşinqton vaxtı ilə gecəyarısına qədər (Bakı vaxtı ilə 21 dekabr, 09:00) hökumətin maliyyələşdirilməsinin davam etdrilməsi ilə bağlı razılığa gəlməli idi. ABŞ qanunvericiləri oktyabrın 1-də başlayan cari maliyyə ili üçün büdcə layihəsini hələ də təsdiq etməyiblər. Daha əvvəl federal hökumətin işinin müvəqqəti maliyyələşdirilməsi yalnız dekabrın 20-dək təsdiqlənmişdi.
ABŞ federal hökuməti fəaliyyətini dayandırır.
Bu barədə Oxu.Az Lenta.ru-ya istinadən xəbər verir.
Məlumata görə, buna səbəb ABŞ Senatının dekabrın 20-də Vaşinqton vaxtı ilə gecəyarısına qədər (Bakı vaxtı ilə 21 dekabr, 09:00) müvəqqəti büdcə layihəsini razılaşdırmağı çatdıra bilməməsi olub.
Həftəsonu olduğu üçün "şatdaun" (dayanma, fasilə - red.) rəsmi hesab olunur, lakin bazar ertəsinə - dekabrın 23-nə qədər qanun layihəsi Konqresin Yuxarı Palatası tərəfindən təsdiqlənməsə və Prezident Co Bayden tərəfindən imzalanmasa, o zaman federal hakimiyyətlər bazar ertəsindən etibarən işi faktiki olaraq dayandıracaqlar.
ABŞ lideri qanun layihəsini dəstəkləyəcəyinə söz verib.
Qeyd edək ki, bu, 1976-cı ildən bəri ABŞ tarixində 22-ci "şatdaun" olub. Ən uzunmüddətli "şatdaun" Donald Trampın birinci dövründə - 2018-ci ilin sonunda baş verib və 35 gün davam edib.
:640.jpg)
