ABŞ Dövlət Departamenti Harvard Universiteti ilə əlaqəsi olan bütün xarici vətəndaşların, o cümlədən təkcə tələbələrin deyil, həm də təhsil müəssisəsinin əməkdaşlarının vizalarının yoxlanılmasına başlayıb.
Oxu.Az xəbər verir ki, bu barədə CNN telekanalı departamentin üç yüksəkrütbəli nümayəndəsinə istinadən məlumat verib.
Bildirilir ki, universitet ABŞ administrasiyasının qərarını müvəqqəti məhdudlaşdıran Massaçusets ştatının Boston şəhərindəki federal məhkəməyə qarşılıqlı iddia təqdim edib. Məhkəmə hökumətin universiteti əcnəbi tələbə qəbulu hüququndan məhrum etməsinə icazə verməyib.
Bundan sonra ABŞ administrasiyası Harvardla əlaqəli əcnəbilərə tələbə vizalarının verilməsi üçün yeni müsahibələrin keçirilməsini dayandırıb.
Xatırladaq ki, mayın 25-də ABŞ Prezidenti Donald Tramp bildirib ki, Harvard Universiteti orada təhsil alan əcnəbi tələbələrlə bağlı məlumatları təqdim etməlidir.
