ABŞ hökuməti "Azadlıq Radiosu"nun maliyyələşdirilməsinə davam edəcək

ABŞ-nin qlobal media agentliyi (USAGM) "Azadlıq Radiosu"na verdiyi qrantı müvəqqəti olaraq yeniləyib.

Oxu.Az meduza.io-ya istinadən xəbər verir ki, bu barədə agentliyin açıqlamasında bildirilir.

Maliyyələşdirmə Vaşinqtonun Federal Dairə Məhkəməsinin martın 26-da maliyyələşdirmənin dayandırılması ilə bağlı apellyasiya şikayəti vermiş "Azadlıq Radiosu"nun xeyrinə olan qərarı əsasında bərpa edilib.

Məhkəmə müəyyən edib ki, iddiaya mahiyyəti üzrə baxılana qədər USAGM "Azadlıq Radiosu"nun bağlanmasına yönəlmiş tədbirlərdən çəkinməlidir.

USAGM-in hesabatında qeyd olunur ki, agentlik "Azadlıq Radiosu"nun mövqeyi ilə razı deyil.

Xatırladaq ki, martın 14-də ABŞ Prezidenti Donald Tramp hökumət xərclərinin azaldılması siyasətinin bir hissəsi olaraq, USAGM də daxil olmaqla, yeddi federal agentlikdə ixtisarlara dair sərəncam imzalayıb ki, "Azadlıq Radiosu" və "Amerikanın Səsi" məhz onların qrantları hesabına fəaliyyət göstərirdi.

"Amerikanın Səsi" fəaliyyətini dayandırdığını elan edib və işçilərini ixtisar etməyə başlayıb. "Azadlıq Radiosu" isə fəaliyyətini davam etdirir.