ABŞ-nin "Corc Vaşinqton" aviadaşıyıcı gəmisi Yaxın Şərqə çatıb.
Oxu.Az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
"Corc Vaşinqton" gəmisinin regionda olan digər ABŞ aviadaşıyıcısı - "Avraam Linkoln"u əvəz edəcəyi gözlənilir. Sonuncunun səkkiz aydan çox davam edən xidmət müddəti dənizçilərin döyüş ruhu ilə bağlı ciddi narahatlıqlara səbəb olub.
"Avraam Linkoln" təyyarədaşıyan gəmisi Sakit okeanda planlaşdırılan missiya üçün noyabrın 21-də San-Diyeqo limanını tərk etsə də, İranla münaqişənin kəskinləşməsindən sonra təcili olaraq Yaxın Şərqə yönləndirilib.
5 000 hərbçinin dənizdə qalma müddəti may ayında başa çatmalı idi, lakin həmin vaxtdan bəri dəfələrlə uzadılıb. Ümumilikdə gəmi təxminən doqquz aydır dənizdədir.
Bu müddət ərzində dənizçilər yalnız iki dəfə - dekabr və iyul aylarında quruya çıxıblar. Həmin vaxt onların hərəkətləri limanın mühafizə olunan ərazisi ilə məhdudlaşdırılıb.
