ABŞ-də "Tomahavk" yerüstü raket sisteminin üç batareyası müəmmalı şəkildə yoxa çıxıb.
Oxu.Az xəbər verir ki, bunu mk.ru-ya ABŞ ordusunun keçmiş zabiti, hərbi ekspert Stanislav Krapivnik bildirib.
Onun sözlərinə görə, dörd raket üçün xüsusi zirehli buraxılış qurğusu olan X-MAV ABŞ-də keçirilən sərgidə nümayiş etdirilib.
Hərbi ekspert qanadlı raketlər üçün mobil platformaların artıq Ukraynada ola biləcəyini istisna etməyib.
O, qeyd edib ki, ilk "Tomahavk" raketlərinin Rusiyaya doğru atılıb-atılmayacağı, əsasən, Moskvanın Vaşinqtona göndərdiyi siqnallardan asılıdır.
Ekspert hesab edir ki, hələlik rusiyalı siyasətçilərin mesajları ABŞ-də ciddi qəbul olunmayacaq qədər zəifdir.
