ABŞ Ukraynada atəşkəsə nəzarət planını hazırlayıb

ABŞ Parisdə Ukrayna nizamlanması üzrə görüşdə məlumat verib ki, hərtərəfli atəşkəs rejiminə nail olunması halında, ona əməl edilməsinə nəzarət mexanizmi layihəsini hazırlayıblar.

Oxu.Az xəbər verir ki, bu barədə "The Wall Street Journal" qəzeti Qərbdən olan məmurlara istinadla xəbər verir.

ABŞ administrasiyasının planının detalları açıqlanmır. Nəşr vurğulayır ki, söhbət hazır qərardan yox, konsepsiya layihəsindən gedir.

Xatırladaq ki, aprelin 17-də Parisdə Fransa prezidenti Emmanuel Makron ABŞ-nin dövlət katibi Marko Rubio və Prezident Donald Trampın xüsusi nümayəndəsi Stiven Uitkoff ilə görüş keçirib.