ABŞ Prezidenti Donald Tramp Qətər Əmiri Təmim bin Həməd əl-Tani ilə ümumi məbləği 1,2 trilyon dollardan çox olan iqtisadi əməkdaşlıq sazişi imzalayıb.
Oxu.Az xəbər verir ki, bu barədə Ağ Evin Mətbuat Xidməti məlumat yayıb.
Bura müdafiə sahəsində əməkdaşlığa dair sövdələşmələr də daxildir. ABŞ administrasiyası bağlanmış sazişlərin "Amerikanı yeni Qızıl əsrə aparan yola çıxaracağını" bildirib.
Ağ Ev hesab edir ki, imzalanmış sazişlər gələcək nəsillər üçün innovasiya və rifahı təşviq edəcək, Amerikanın istehsal və texnologiya liderliyini gücləndirəcək.
ABŞ və Qətər arasında 1,2 trilyon dollarlıq saziş imzalandı
