Adolf Hitlerin məxsus olmuş, "Qartal yuvası" kimi tanınan və Kelştayn dağında yerləşən keçmiş çay evində baş vermiş böyük yanğında şübhəli bilinən şəxsin 33 yaşlı Berlin sakini olduğu təsdiqlənib.
Oxu.Az xəbər verir ki, bu barədə yerli polisə istinadən "Bild" nəşri məlumat yayıb.
Məlumata görə, şübhəli şəxs hadisədən qısa müddət sonra yanğın yerinin yaxınlığında yaxalanıb. O, motosikletlə yanan binaya doğru hərəkət edən təcili yardım xidmətlərinin qarşısına çıxıb. Yanğınsöndürənlərin köməyi ilə hüquq-mühafizə orqanlarının əməkdaşları nəqliyyat vasitəsini dayandıraraq onu saxlayıblar.
Qeyd olunur ki, saxlanılarkən həmin kişidə psixi qeyri-adekvatlıq əlamətləri müşahidə edilib. Hazırda o, həbsdədir, polislər tərəfindən dindirilmə və digər zəruri istintaq tədbirləri həyata keçirilir. Ehtimal olunan cinayətkarın motivləri və ona qarşı olan sübutlar hələlik açıqlanmır. Yanğının başvermə səbəbləri də məlum deyil. Hazırkı mərhələdə saxlanılan şəxsin yanğında iştirakı tam olaraq təsdiqlənməyib.
Adolf Hitlerin vaxtilə çay evi kimi istifadə etdiyi və "Qartal yuvası" adı ilə tanınan tarixi Kelştaynhaus binasında yanğın qeydə alınıb.
Oxu.Az xəbər verir ki, bu barədə Almaniyanın "Bild" nəşri yerli hüquq-mühafizə orqanlarına istinadən məlumat yayıb. Hadisə Berxtesqaden əyalətində baş verib.
Yerli polisdən bildirilib ki, bina tamamilə alov içində olub və yanğınsöndürənlər genişmiqyaslı əməliyyat həyata keçiriblər.
Hüquq-mühafizə orqanlarının əməkdaşları qəsdən yandırma ehtimalını da istisna etmirlər, lakin hadisənin dəqiq başvermə səbəbi hələlik müəyyən edilməyib.
