Almaniya İsrailə silah ixracına qadağa qoyulmasını təkzib etdi

Almaniya hökuməti İsrailə silah ixracı üçün icazələrin verilməsini dayandırması ilə bağlı daha əvvəl mətbuatda yayılan xəbərləri təkzib edib.

Oxu.Az TASS-a istinadən xəbər verir ki, bu barədə Almaniyanın İqtisadiyyat Nazirliyinin nümayəndəsi deyib.

"İsrailə silah ixracına qadağa yoxdur və olmayacaq. Almaniya hökuməti hüquqi və siyasi tələblərə uyğun olaraq, xarici və təhlükəsizlik siyasətini nəzərə alaraq hər bir konkret vəziyyətə uyğun olaraq silah ixracına icazə vermək qərarına gəlir. Hər bir fərdi işə baxılarkən həmişə mövcud vəziyyət, o cümlədən HƏMAS və "Hizbullah"ın İsrailə hücumları, həmçinin Qəzzada əməliyyatın gedişi nəzərə alınır", - Almaniya İqtisadiyyat Nazirliyindən bildirilib.

02:12

Almaniya İsrailə silah tədarükünü dondurmağı qərara alıb.

Oxu.Az xəbər verir ki, bu barədə Almaniya Federal Maliyyə Nazirliyinə yaxın mənbəyə istinadən "Reuters" agentliyi məlumat yayıb.

Bildirilir ki, Berlin Təl-Əvivin silah tələblərini rədd edir, lakin HƏMAS-ı maliyyələşdirən Qətərə ağır silahlar satmağa davam edir.

Qeyd edək ki, bundan əvvəl BMT Baş Assambleyası İsrailə silah və hərbi texnikanın tədarükünə embarqo qoyulmasına dair qətnaməni təsdiqləyib.