Rusiyada Avropanın ən böyük neft-kimya müəssisələrindən birində yanğın baş verib.
Oxu.Az xəbər verir ki, hadisə Tatarıstan Respublikasında yerləşən "Nijnekamskneftexim" zavodunun ərazisində qeydə alınıb.
Şirkətin mətbuat xidmətinin məlumatına görə, hazırda yanğın ocağının lokallaşdırılması işləri aparılır.
"Operativ reaksiya xidmətləri işə cəlb olunub. İnsanların həyatı və sağlamlığı üçün təhlükə yoxdur", - deyə məlumatda bildirilib.
Sonradan şirkət yanğın ocağının müəssisə ərazisində lokallaşdırıldığını açıqlayıb.
"Nijnekamskneftexim" dünyada sintetik kauçuk istehsalçılarından biri və Rusiyada plastik istehsal edən ən iri müəssisələrdən hesab olunur. Şirkət 2021-ci ilin oktyabrından "SIBUR" qrupunun tərkibinə daxildir.
Qaynar xətt:
(055) 224 12 12
