Qəzzadan azad edilmiş 7 girovdan ibarət ilk qrupun İsrailə gəlişinin videogörüntüləri yayılıb.
Oxu.Az-ın xəbərinə görə, bu barədə İsrail Müdafiə Qüvvələrindən (İDF-SAXAL) mətbuat xidmətindən məlumat verilib.
Məlumata görə, girovlar ilkin tibbi müayinədən keçəcəklər.
SAXAL-ın mətbuat xidməti azad edilənlərin adlarını açıqlayıb. Onların arasında Matan Anqrest, Ziv və Qali Berman qardaşları, Qay Qilboa-Dalal, Omri Miran, Eytan Mor və Alon Ohel var.
Gün ərzində Qəzza zolağında ümumilikdə 20 girovun azad edilməsi planlaşdırılır. Bunlar 2023-cü il oktyabrın 7-də oğurlanan və iki illik HƏMAS əsarətindən sağ çıxan İsrail vətəndaşlarıdır.
Həmçinin İsrail televiziyasının 12-ci kanalının məlumatına görə, qalan 13 israilli girov da Qəzza zolağında Beynəlxalq Qırmızı Xaç Komitəsinə (BQXK) təhvil verilib.
Komitə bəyan edib ki, azad edilmiş girovların vəziyyəti "qənaətbəxş görünür".
Fələstin radikalları Qəzza zolağında azad edilən girovların ilk qrupunu Beynəlxalq Qızıl Xaç Komitəsinin (BQXK) əməkdaşlarına təhvil veriblər.
Oxu.Az xəbər verir ki, bu barədə İsrailin "Kan" teleradio şirkəti məlumat yayıb.
Bildirilir ki, azad edilənlər Alon Ohel, Qay Gilboa-Dalal, Matan Anqrest, Qali, Ziv Berman, Eytan Mor və Omri Mirandır.
HƏMAS-ın gün ərzində ümumən sağ qalan 20 girovu azad edəcəyi gözlənilir.
İsraildə fələstinli məhbusları təhvil vermək üçün avtobuslara mindirirlər, Beynəlxalq Qızıl Xaç Komitəsinin (BQXK) maşın karvanı onları təslim alacağı yerə yola çıxıb.
Oxu.Az xəbər verir ki, bu barədə məlumatı "Reuters" agentliyi öz mənbəsinə istinadla yayıb.
"Qəzzada BQXK-nın maşın karvanı israilli girovları təhvil alacağı yerə doğru irəliləyir. Fələstinli məhbusları həbsxanalarda avtobuslara mindirirlər", - deyə o bildirib.
Daha əvvəl Fələstinin HƏMAS hərəkatı sülh sazişi çərçivəsində azad ediləcək 20 israilli girovun siyahısını dərc edib.
Bildirilib ki, daha sonra "Əl Əqsa" telekanalı girovların ilk dəstəsinin BQXK əməkdaşlarına təhvil verildiyi barədə məlumat yayıb. Məlumata görə, girovların ilk dəstəsi yeddi nəfərdən ibarətdir.
