İran prezidentinin strateji məsələlər üzrə keçmiş köməkçisi və ölkənin sabiq xarici işlər naziri Məhəmməd Cavad Zərif iranlılara müraciət ünvanlayıb.
Oxu.Az bu barədə "Tasnim" agentliyinə istinadən məlumat verir.
O, vətəndaşları milli həmrəylik kampaniyasına qoşulmağa çağırıb.
"Vətənimizi qorumaq məqsədilə milli həmrəylik kampaniyasına qoşuluram, çünki biz hamımız bir gəmidəyik, qürurlu İran gəmisində. Bütün dostlarımı və həmvətənlərimi bu kampaniyaya qoşulmağa dəvət edirəm", - deyə C.Zərif videomüraciətində qeyd edib.
Qeyd edək ki, iyunun 13-də gecə saatlarında İsrail İranın bir sıra nüvə obyektlərinə və paytaxt Tehrana zərbələr endirib. Bir neçə yüksəkvəzifəli hərbçi və nüvə alimləri həlak olublar. Eskalasiya hələ də davam edir.
