"Çelsi" rəsmi olaraq Joao Pedro ilə yeni uzunmüddətli müqavilə imzalayıb.
Bu barədə Oxu.Az Britball.net-ə istinadən xəbər verir.
Məlumata görə, braziliyalı hücumçunun London klubu ilə müqaviləsi artıq 2034-cü ilə qədər nəzərdə tutulub.
Joao Pedro 2025-ci ilin iyul ayında "Brayton"dan "Çelsi"yə keçib və dərhal komandanın uğuruna əhəmiyyətli töhfə verib. Klublararası dünya çempionatında, o, yarımfinalda "Fluminense"yə qarşı oyunda dubl edib, daha sonra finalda PSJ-yə qol vurub.
Qeyd edək ki, braziliyalı "zadəganlar"la ilk mövsümündə bütün turnirlərdə 20 qol vurub. Mövsümün sonunda azarkeşlər onu "Çelsi"nin ən yaxşı oyunçusu seçiblər.
Qaynar xətt:
(055) 224 12 12
