ABŞ Dövlət Departamentinin son illərdə Çinin nüvə sınaqları keçirməsi barədə ittihamlarını Pekin tamamilə əsassız hesab edir.
Oxu.Az TASS-a istinadən xəbər verir ki, bunu Çinin tərk-silah məsələləri üzrə fövqəladə və səlahiyyətli səfiri Şen Tszyan bəyan edib.
"ABŞ-nin Çinin nüvə sınaqları keçirməsi barədə ittihamları heç bir fakta söykənmir", - deyə səfir bildirib.
Onun sözlərinə görə, Pekin Nüvə Sınaqlarının Hərtərəfli Qadağan Edilməsi haqqında müqavilənin məqsəd və vəzifələrini qətiyyətlə dəstəkləyir.
Səfir bəyan edib ki, Vaşinqton bu cür fəaliyyət barədə öz öhdəliklərinə əməl etməli, bu mövzuda qlobal konsensusa dəstək verməlidir.
