Çində baş verən güclü zəlzələ nəticəsində 16 nəfər həyatını itirib, daha 65 nəfər isə xəsarət alıb.
Oxu.Az xəbər verir ki, bu barədə "Reuters" agentliyi operativ qərargaha istinadən məlumat yayıb.
Təbii fəlakətlərin qarşısının alınması, nəticələrinin minimuma endirilməsi və zərərçəkmişlərə yardım göstərilməsi üzrə regional komitə zəlzələ ilə əlaqədar olaraq üçüncü səviyyəli fövqəladə hal rejimini aktivləşdirib.
Hazırda yeraltı təkanların vurduğu ziyanın qiymətləndirilməsi həyata keçirilir və axtarış-xilasetmə əməliyyatları davam etdirilir. Operativ qərargahın məlumatına görə, zəlzələdən sonra 12 mindən çox sakin təxliyə edilib.
Çinin Tibet Muxtar Rayonunda baş verən güclü zəlzələ nəticəsində azı 16 nəfər həlak olub, daha 32 nəfər isə yaralanıb.
Oxu.Az bu barədə "Sinhua" xəbər agentliyinə istinadən xəbər verir.
Yeraltı təkanlar nəticəsində 300-dən çox ev dağılıb. Xəsarət alanlardan 11-nin vəziyyəti ağırdır.
Hazırda zəlzələ zonasında xilasetmə işləri aparılır və fəsadların aradan qaldırılması üçün təcili tədbirlər görülür.
Çinin qərbində yerləşən Tibet Muxtar Rayonunda 7.1 maqnitudalı zəlzələ baş verib.
Oxu.Az bildirir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.
Yeraltı təkanların episentri 30 min nəfər əhalisi olan Naqçu dairəsindən 200 kilometr şimal-şərqdə yerləşib. Zəlzələnin ocağı yerin 35 kilometr dərinliyində qeydə alınıb.
