"Crocus City Hall"dakı terror aktı beynəlxalq xarakter daşıyıb: Təşkilatçılar hazırda haradadırlar?

"Crocus City Hall"da baş verən terror aktı beynəlxalq xarakter daşıyıb, bu səbəbdən işin təhqiqatı xüsusilə çətindir, təşkilatçı və onun tərəfdaşları xaricdə gizlənirlər.

Oxu.Az-ın TASS-a istinadən xəbərinə görə, bu barədə işlər bağlı materiallarda bildirilir və TASS-ın əlində bu materialların nüsxələri var.

"Cinayət işinin təhqiqatı törədilmiş cinayətin beynəlxalq xarakterinə, cinayət təşkilatçıları və ortaqlarının Rusiya Federasiyasından kənarda olmasına görə xüsusilə çətinlik təşkil edir", - deyə sənədlərdə qeyd edilir.

Vurğulanır ki, istintaq hadisənin törədilməsinin faktiki şərtləri, cinayətdə iştirak edən digər şəxslərin müəyyən edilməsinə yönəlmiş çox sayda istintaq və prosessual hərəkətlərin aparılmasına ehtiyac duyur.