Estoniya Ukraynadan nümunə götürərək ABŞ Prezidenti Donald Tramp administrasiyasına rəsmi olaraq nadir metallar üzrə saziş təklif etməlidir.
Oxu.Az xəbər verir ki, bu barədə Estoniyanın xarici işlər naziri Marqus Tsahkna ERR-ə müsahibəsində bildirib.
"Bu, ABŞ-nin maraqlarına deyil, bizim maraqlarımıza uyğundu. Biz ABŞ-yə maraqlı, səmərəli iqtisadi əlaqələr təklif edə bilərik", - Estoniya XİN rəhbəri qeyd edib.
Tsahkna təklif edib ki, Estoniya təhlükəsizlik zəmanəti müqabilində ABŞ-yə nadir metalların istifadəsi üzrə sövdələşmə təklif edən daha bir ölkə olsun. O, belə bir razılaşmanın cəsarətli geosiyasi qərar olacağını və rəsmi Tallini Tramp administrasiyası ilə münasibətlərdə güclü mövqeyə qoyacağını bildirib.
Eyni zamanda qeyd olunur ki, Estoniya sənayesi Rusiyadan nadir metalların tədarükündən asılıdır.
