Donald Tramp: "İran cavab addımı atarsa, ABŞ İsraili müdafiə edəcək"

ABŞ Prezidenti Donald Tramp İsrailin İrana qarşı zərbələrindən əvvəl bu əməliyyatdan xəbərdar olduğunu, lakin Vaşinqtonun bu hücumda birbaşa iştirak etmədiyini bildirib.

Oxu.Az-ın verdiyi məlumata görə, Ağ Ev rəhbəri bu barədə "Fox News" telekanalına verdiyi müsahibədə deyib.

Tramp qeyd edib ki, Vaşinqton Tehranın mümkün cavab zərbəsini gözləyir və ABŞ Silahlı Qüvvələrinin Mərkəzi Komandanlığı - CENTCOM yüksək hazırlıq rejiminə keçirilib.

"Əgər İran cavab addımı atarsa, ABŞ həm özünü, həm də İsraili müdafiə edəcək", - deyə o vurğulayıb.

Prezident bildirib ki, İranın nüvə silahı əldə etməsinə yol vermək olmaz və ABŞ danışıqlar masasına qayıtmaq ümidi ilə vəziyyəti izləyir:

"Ümid edirik ki, danışıqlar bərpa olunacaq. Gözləyək, görək nə baş verir".

Donald Tramp: "İran cavab addımı atarsa, ABŞ İsraili müdafiə edəcək"