Əfqanıstanlı kişi dünyanın ən uzunömürlü adamı ola bilər

Əfqanıstanın Xost vilayətində yaşının 140 olduğu ehtimal edilən Akel Nazir adlı kişi yaşayır.

Oxu.Az xəbər verir ki, bu barədə "Tolo news" xəbər portalı məlumat yayıb.

Qeyd olunur ki, hazırda ailəsi onun yaşının rəsmi sənədlərlə təsdiqinə çalışır. Əgər bu baş tutarsa, Akel Nazir dünyanın ən yaşlı insanı ola bilər.

Öz növbəsində, Akel Nazir mətbuata verdiyi açıqlamada bildirib ki, Əfqanıstan kralı Əmanullah Xanın (1919-1929) hakimiyyət illərini, həmçinin Əfqanıstanın Britaniyadan müstəqillik əldə etdiyi (19 avqust 1919-cu il) tarixi yaxşı xatırlayır.